من أكتر المشاكل اللي بتواجه لاعبي PUBG Mobile بعد كل تحديث هي إن اللعبة تفضل محدودة على 30 أو 40 فريم،
وده بيخلي التجربة تقيلة ومليانة لاج وتقطيع، خصوصًا في المواجهات القريبة أو وقت النزول من الطيارة.
لكن النهارده جاي أقولك إن في طريقة رسمية تمامًا لتفعيل 60 فريم ببجي موبايل من داخل إعدادات اللعبة نفسها،
وحتى لو الخيار مش بيظهر عندك، في الفيديو اللي في نهاية المقال أنا موضّح خطوة بخطوة إزاي تشغّلها بنفسك بكل سهولة
يعني إيه 60 فريم وليه مهمة جدًا في ببجي موبايل؟
الـ “فريم” أو Frame per Second (FPS) هو عدد الصور اللي بتظهر على الشاشة في الثانية الواحدة.
كل ما الفريمات تكون أكتر، كل ما اللعبة تكون أسرع، أنعم، وأدق في الحركة.
يعني لما تفعل 60 فريم ببجي موبايل بدل 30، هتحس إن اللعبة اتغيّرت تمامًا:
الحركة بتبقى أسرع، السلاح بيستجيب أسرع، والتصويب بيكون أدق بكتير.
المحترفين كلهم بيلعبوا على 60 فريم أو أكتر،
وده السبب إنهم دايمًا سابقين غيرهم في رد الفعل داخل الجيم
⚙️ ليه 60 فريم مش بتشتغل عند كل الناس؟
لأن شركة ببجي بتحاول تحافظ على ثبات الأداء على الموبايلات الضعيفة،
فبتخلي الإعداد الافتراضي 30 أو 40 فريم بس.
بس الحقيقة إن في أجهزة كتير تقدر تشغّل اللعبة على 60 فريم بسلاسة تامة،
بس الخيار ده بيكون “مخفي” داخل الإعدادات.
وعشان كده، في الفيديو اللي موجود في آخر المقال، أنا وريتك الطريقة الرسمية لتفعيل 60 فريم من داخل اللعبة نفسها
من غير أي ملفات خارجية أو تطبيقات معدّلة أو روت.