لو كنت من مستخدمي موبايلات سامسونج، فأكيد لاحظت إن ميزة مؤشر سرعة الإنترنت اللي كانت بتظهر فوق في شريط الإشعارات اختفت بعد فترة من التحديثات.
الميزة دي كانت بتعرض لك سرعة التحميل والرفع لحظة بلحظة، وكانت مفيدة جدًا لأي حد بيستخدم بيانات الهاتف أو Wi-Fi وعايز يعرف الشبكة ماشية إزاي.
لكن مع الوقت، الميزة دي اختفت، وناس كتير فضلت تدور على حل، لأن فعلاً وجود network speed indicator في الشريط العلوي بيساعدك تتابع الإنترنت بشكل مباشر بدون ما تفتح تطبيقات ولا تعمل اختبارات سرعة.
💡 الميزة دي كانت مفيدة في إيه؟
-
بتخليك تعرف هل الإنترنت ضعيف ولا تمام لحظة بلحظة.
-
لو فيه مشكلة في الشبكة، بتبان على طول.
-
بتساعدك تتابع استهلاكك للبيانات بشكل مباشر.
-
بتفيد جدًا وقت اللعب أو تحميل الملفات أو البث.
لكن للأسف، سامسونج شالتها من الواجهة بدون ما تقول، والمستخدمين فضلوا يدوروا على حلول، وأغلبها إما معقد أو بيستهلك بطارية، أو بيحتاج روت.
في الفيديو ده هترجع الميزة من غير تعقيد
أنا في الفيديو ده شرحت إزاي ترجع الميزة دي باستخدام أداة بسيطة جداً، واللي بتميزها إنها:
-
بتشتغل على جميع هواتف سامسونج سواء قديمة أو جديدة.
-
ما بتستهلكش بطارية ولا RAM.
-
ما بتحتاجش روت.
-
واجهتها سهلة جدًا، وخفيفة، ومجربة.
🎥 شوف الفيديو
• فيديو شرح طريقة التحميل
• روابط التحميل المباشرة